ماذا قالت عبير صبري عن ضياء العوضي وآرائه بعد وفاته؟

 تحدثت الفنانة عبير صبري، عن الدكتور ضياء العوضي وآرائه بعد وفاته.

وقالت عبير صبري: "من الغريب اني كنت ضد دكتور ضياء العوضي لما سمعت اراؤه وطريقة كلامه عن المرأة والزواج والذكورية المليئة بمركبات النقص والاستعراض ..لكن بعد وفاته الصادمة والدرامية بدأت أتابع مرغمة فيديوهاته المنتشرة بشكل كبير جدا وفيها تنوع بين اللايفات أو البودكاست الغريب بقي اني بدأت أقتنع وأسمع للآراء مش تحديدا بتاعت التغذية سواء المسموح أو الممنوع المسمى بنظام الطيبات".

وتابعت:"لأ آرائه وتحليلاته اللي فيها نوع كبير من الذكاء والتفكير منطقي في بعض الأمور الدينية والحياتية ..واكتشفت انه عنده كاريزما أو حضور جعل جماهير غفيره بتتابعه وتؤمن باللي بيقولو ولا يجوز بالطبع النظر لكل هؤلاء كقطيع أو دراويش".

واستكملت:"بالعكس فيه ناس كتير من مستويات ثقافية واجتماعية مختلفة مؤمنين به وحسيت إن دكتور ضياء العوضي عمل حاجة مهمة جدا".

وأضافت:"من وجهه نظري وهي أنه حرك المياه الراكدة اللي احنا عايشين فيها بانه بيفكر بصوت عالي ويحلل وينافش ويتكلم واشترك معاه المجتمع في النقاشات ومش بيخاف وحطولي ميت خط مش بيخاف من حد وبيتكلم بصوت عالي وده عكس المناخ السائد..ربنا يرحمه ويعفو عنه ويجعل مثواه الجنة ويصبر أهله وعيلته ومحبيه".